"Bahor" tanlovi Исполнитель

"Bahor" tanlovi

Aim.uz ga sifatli ma’lumot yuklab ko’p ball to’plang va quyidagi pul mukofotlariga ega bo’ling.

1-o’rin- 700 000 so’m

2-o’rin – 500 000 so’m

3-o’rin – 300 000 so’m

Tanlovda g’olib bo’lish bo’yicha tavsiyalar:

• Ma’lumotlarni tanlov shartlariga mos va sifatli qilib yuboring.
• Biznes bo’limiga ko’proq ma’lumot yuklang. Chunki shu bo’limga mos ma’lumotlar uchun ko’proq ball beriladi.
• Ma’lumotlarni imkon qadar oldinroq joylang. Qancha oldin joylasangiz shuncha tez ma’lumotingiz tasdiqlanadi va hisobingizga ball qo’shiladi.
• O’zingiz muallifi bo’lgan ma’lumotlarni yuklang.
• Boshqa saytlarda yo’q, ammo ko’pchilikka zarur yoki foydali ma’lumot yuklang.
• Yuborayotgan ma’lumotingizni aim.uz da yo’qligiga amin bo’lib, keyin yuklang.

Tanlov materiallariga qo’yilgan talablar:

• Tanlov bo’yicha joylanayotgan barcha ma’lumotlar o’zbek tilida bo’lishi yoki o’zbek o’quvchilari uchun mo’ljallangan bo’lishi kerak.
• Tanlovda rus va boshqa tillardagi o’zbeklar uchun mo’ljallanmagan ma’lumotlar, jumladan kitoblar qabul qilinmaydi, IELTS ma’lumotlari bundan mustasno.
• Qo’yilayotgan har bir ma’lumot nomi grammatik va imloviy jihatdan to’g’ri yozilishi va ilova qilingan kontentga mos bo’lmog’i lozim. Sayt administratorlari tomonidan tuzatilgan ma’lumotlar tanlovga hisobga olinmaydi.
• Qo’yilayotgan ma’lumotlar ichida tashqi manbalarga, jumladan telegram kanal va saytlarga ilovalar (ssilkalar) berilgan bo’lsa, bunday ma’lumotlar tanlovga hisobga olinmaydi.
• Mualliflik huquqi bilan himoyalangan ma’lumotlar, mualliflarning roziligi bilan joylashtirishi kerak. Sayt ma’muriyatiga mualliflardan e’tirozlar kelib tushgan paytda, bunday ma’lumotlar tezda saytdan olib tashlanadi va tanlovga ishtirok etmaydi.

Yuqoridagi talablarga mos bo’lmagan ma’lumotlar aniqlanganda, mualliflar sayt ma’muriyati tomonidan ogohlantiriladi. Agar ushbu holatlar qayta takrorlansa, bunday mualliflar uzrsiz tanlovdan chetlashtiriladi va ular yuklagan ma’lumotlar tanlovga ishtirok etmaydi.

Shuningdek to’liqsiz yoki sayt ma’muriyati tomonidan keraksiz deb topilgan boshqa turdagi ma’lumotlar tanlovdan olib tashlanadi va bunday harakat uchun izoh berilmaydi.

G’oliblar qanday aniqlanadi?

04.03.2020 - 20.04.2020 davr mobaynida tanlov shartlariga mos yuklangan jami ma’lumotlar uchun yig’ilgan ballar yigi’ndisi bo’yicha aniqlanadi.

G’oliblarni taqdirlash 01.05.2020 ga qadar amalga oshiriladi.

Ballar qanday hisoblaniladi?

• Saytga yuborgan va tasdiqdan o’tgan har bir ma’lumotingiz uchun 5 ball beriladi (biznes bo’limidagi ma’lumotlardan tashqari).
• Biznes bo’limiga mos tasdiqdan o’tgan ma’lumotlar uchun 10 balldan beriladi.
• Siz sotib olgan ballar tanlov uchun hisoblanadigan umumiy balingizga qo’shilmaydi.
• Tanlov doirasida boshqa foydalanuvchilar tomonidan ko’chirilgan ma’lumotlaringiz uchun ball berilmaydi.

Barcha ishtirokchilarga omad tilaymiz!