“Frilans” aksiyasi Исполнитель

“Frilans” aksiyasi

Frilanserlik (Freelancing) bugungi kunda yurtimizda ommalashmoqda.  Endi Aim.uz bilan uyda qolib, qo’shimcha daromad qilish yanada oson bo’ldi. “frilans” aksiyasi doirasida, kompyuterni tushungan istalgan hamyurtlarimiz saytga yuklagan ma’lumotlari uchun haq olishlari mumkin.

Frilans aksiyasida qancha haq to’lanadi?

• 1-100 tagacha bo’lgan har bir tasdiqlangan ma’lumot uchun 200 so’m
• 101-500 tagacha bo’lgan har bir tasdiqlangan ma’lumot uchun 300 so’m
• 501-1000 tagacha bo’lgan har bir tasdiqlangan ma’lumot uchun 400 so’m
• 1001 tadan ortiq bo’lgan har bir tasdiqlangan ma’lumot uchun 500 so’m

To’lovlarni hisoblash jadvali

Frilans aksiyasi doirasida ko’proq pul ishlash bo’yicha tavsiyalar:

• Ma’lumotlarni aksiya shartlariga mos va sifatli qilib yuboring.
• Ma’lumotlarni imkon qadar oldinroq joylang. Qancha oldin joylasangiz shuncha tez ma’lumotingiz tasdiqlanadi va hisobingizga pul qo’shiladi.
• O’zingiz muallifi bo’lgan ma’lumotlarni yuklang.
• Boshqa saytlarda yo’q, ammo ko’pchilikka zarur yoki foydali ma’lumot yuklang.
• Yuborayotgan ma’lumotingizni aim.uz da yo’qligiga amin bo’lib, keyin yuklang.

Frilans aksiyasi materiallariga qo’yilgan talablar:

• Aksiya bo’yicha joylanayotgan barcha ma’lumotlar o’zbek tilida bo’lishi yoki o’zbek o’quvchilari uchun mo’ljallangan bo’lishi kerak.
• Aksiyada rus va boshqa tillardagi o’zbeklar uchun mo’ljallanmagan ma’lumotlar, jumladan kitoblar qabul qilinmaydi, IELTS ma’lumotlari bundan mustasno.
• Qo’yilayotgan har bir ma’lumot nomi grammatik va imloviy jihatdan to’g’ri yozilishi va ilova qilingan kontentga mos bo’lmog’i lozim. Sayt administratorlari tomonidan tuzatilgan ma’lumotlar aksiyaga hisobga olinmaydi.
• Qo’yilayotgan ma’lumotlar ichida tashqi manbalarga, jumladan telegram kanal va saytlarga ilovalar (ssilkalar) berilgan bo’lsa, bunday ma’lumotlar aksiyaga hisobga olinmaydi.

Yuqoridagi talablarga mos bo’lmagan ma’lumotlar aniqlanganda, mualliflar sayt ma’muriyati tomonidan ogohlantiriladi. Agar ushbu holatlar qayta takrorlansa, bunday mualliflar uzrsiz aksiyadan chetlashtiriladi va ular yuklagan ma’lumotlar aksiyaga ishtirok etmaydi.

Shuningdek to’liqsiz yoki sayt ma’muriyati tomonidan keraksiz deb topilgan boshqa turdagi ma’lumotlar aksiyadan olib tashlanadi va bunday harakat uchun izoh berilmaydi.

Frilans aksiyasi muddati: 20.05.2020-20.06.2020. Ushbu vaqt oralig’idan oldingi va keyingi davrlarda yuborilgan ma’lumotlar aksiyada ishtirok etmaydi.

To’lovlar qachon va qanday to’lab beriladi?

To’lovlar frilans aksiyasi tugaganidan so’ng bir hafta ichida, plastik kartangizga o’tkazib beriladi. Shuningdek, aksiya muddatidan oldin ishlab topgan pulingizni olmoqchi bo’lsangiz, murojaat etgan kuningizdan so’ng bir hafta ichida to’lovlar plastik kartangizga o’tkazib beriladi. Bunday holda siz aksiyada mazkur akkountingiz bilan qayta ishtirok etolmaysiz.  

Yodda tuting. Frilans aksiyasida qatnashish orqali siz saytdan ishlab topgan pulingiz uchun, agarda u qonunchilikka asosan soliq solish bazasi sifatida qaralsa, daromad solig’ini to’lashni o’z zimmangizga olishga rozilik bildirasiz. Aim.uz to’lanadigan haqlar uchun ishtirokchilar nomidan daromad solig’ini ushlab qolish majburiyatini olmaydi.

Barcha ishtirokchilarga omad tilaymiz!

*ma'lumot - aim.uz saytida ma'lumot deganda powerpoint, word, pdf ko'rinishidagi turli xil elektron hujjatlar, jumladan, referatlar, dars ishlanmalar, kitoblar, biznes rejalar va boshqa namunaviy hujjatlar tushuniladi. Ma'lumotlar hajmiga qo'yiladigan standart talab: powerpoint tadmidotlari 10 slayddan, referat va boshqa word, pdf ko'rinishidgi ma'lumotlar 14 shriftdan katta bo'lmagan holda 4 varoqdan kam bo'lmasligi kerak. Istisnoli holatlar sayt ma'muriyatining qaroriga asosan qabul qilinadi.