To`yinmagan uglevodorodlar Alkinlar Исполнитель

1. Alkinlarning gomologik qatori va nomlanishi.
2. Alkinlarning tuzilishi va izomeriyasi.
3. Olinish usullari.
4. Fizikaviy va kimyoviy xossalari
5. Atsetilen uglevodorodlarning ishlatilishi

Atsetilen uglevodorodlarining umumiy formulasi C_nH_2n-2 bo’lib, ularning tuzilishida – CºC – bog’lanish mavjud bo’ladi. Bunda uglerod-uglerod orasidagi bog’lanishga sarf bo’lgan elektronlar sp-gibridlangan holatda bo’ladilar. Atsetilen uglevodorodlarining dastlabki vakili atsetilen CHºCH dir.

Izomeriyasi va nomenklaturasi. Atsetilen uglevodorodlarida struktura izomeriyasi C₄H₆ dan boshlanadi. Atsetilen uglevodorodlari izomerlarining soni etilen uglevodorodlarinikiga nisbatan kam, to’yingan uglevodorodlarnikiga nisbatan esa ko’p. Masalan, uglerodlari soni 8 ga teng bo’lgan to’yingan uglevodorodlar izomerlarining soni 18 ga, etilen uglevodorodlarinig soni 66 ga, atsetilen uglevodorodlari izomerlari soni esa 32 ga teng. Buning sababi atsetilen uglevodorodlarida struktura izomeriyasi mavjud va ularda uchbog’ning joylashuviga nisbatan ham izomerlar hosil bo’ladi. Shuning uchun ular izomerlarining soni teng uglerod saqlovchi to’yingan uglevodorodlarnikiga nisbatan ko’p. Ammo ularda fazoviy izomeriya mavjud emas.

Atsetilen uglevodorodlari asosan ratsional va sistematik nomenklaturalar asosida nomlanadi. Sistematik nomenklatura bo’yicha  nomlashda ularning nomi atsetilen uglevodorodlariga mos keladigan (ya’ni uglerod atomlarining soni teng bo’lgan) to’yingan uglevodorod ioni oxiridagi –an qo’shimchasi –in qo’shimchasi bilan almashtiriladi. Uchbog’ va radikallarning holati raqamlar bilan ko’rsatiladi.