Radioteleskoplar va ularning asosiy ko’rsatkichlari Исполнитель

Radioteleskoplar va ularning asosiy ko’rsatkichlari 

1. Radioteleskoplar va ularning asosiy ko‘rsatgichlari.
2. 2. Kosmik astrofizik tekshirish asboblari.

1.Radioteleskopning vazifasi va tuzilishi. Radioteleskop osmon yoritqichlaridan kelayotgan radionurlanishni yig’ish, o’lchash va qayd qilish uchun qo’llaniladi. Osmon yoritqichlaridan kelayotgan  radiosignallar, odatda, tutash spektr singari uzluksiz chastotalar ketma-ketligidan iborat. Shuning uchun osmon yoritqichlaridan uzluksiz radio chastotalar ketma-ketligida kelayotgan radio signallar radionurlanish deb ataladi. Radionurlanish ham yuqorida ko’rilgan optik nurlanish singari atom o’tishlar, zarralarni to’qnashishi hamda ularni elektr va magnit maydonda tormozlanishi natijasida ajralib chiqadigan radio kvantlarning uzluksiz ketma-ketligidan iborat. Radio kvantlar energiyasi juda kichik, bir mikro eV dan birnecha miilli eV largacha yetadi. Bu radio kvantlarga uzunligi birnecha mm dan birnecha o’n metrgacha radio to’lqinlar mos keladi.  

Radioteleskop ikki qismdan iborat bo’ladi: antenna va priyomnik. Antenna osmon yoritqichidan kelayotgan radionurlanish (radio to’lqinlar) ni aks qaytaradi va qaytgan bu nurlanish antennaning fokusida yig’iladi. Yig’ilgan nurlanish to’lqin tashuvchilar yordamida priemnikka uzatiladi. Amaldagi radiopriyemniklar, shuningdek radioteleskopda qo’llaniladigan priyemniklar ham, ma’lum chastotalardagi radiosignallarni qabul qiladi. Priyemnikning qabul chastotasi (n) birnecha yuz mega va giga-gerslar (Mgs, Ggs) oralig’ida bo’ladi, ularga mm (bir mm ga 300 Ggs chastota mos keladi) dan o’nlab m (bir m ga – 300 Mgs) largacha to’lqin uzunliklar (l) mos keladi (l=s/n). Yer atmosferasining radio darchasi kengligi ming Mgs (optik darchaning kengligi bir Mgs dan kichik).  Priyemnikning o’tkazish (sezish va qayd qilish) polosasi bir Mgs atrofida bo’ladi va bu optik nurlanish priyemnigi o’tkazish polosasidan million marta katta.

Osmon yoritqichlarining radionurlanishi keng o’tkazish polosasiga ega priyemnik yordamida o’lchansada u juda kuchsiz bo’ladi. Radio nurlanishni qayd qilish uchun yuzasi optik teleskopnikidan ming marta katta yuzadan yig’ishga, demak, juda katta antennalar qurishga va ko’llashga to’g’ri keladi. Radionurlanishni yig’ish optikada qo’llaniladigan prinsipga asoslangan. Bu yerda antenna, masalan, parabolik antenna, reflektorda bosh ko’zgu, bajargan ishni bajaradi va u singari o’rnatiladi, yo’naltiriladi va aylantiriladi. Radioteleskopning antennasi televidenieda qo’llaniladigan va uylarning tomiga o’rnatiladigan parabolik antennaga o’xshash bo’ladi.  Televidenie antennalari qo’zg’olmas, chunki eshittirish tarqatuvchi Yer yo’ldoshi unga nisbatan qo’zg’olmas vaziyatda bo’ladi, to’g’rirog’i, Yer shari bilan bir xil yo’nalishda va tezlikda aylanadi.

Radioteleskopning qabul qiluvchi qismi yoki priemnigi esa juda tor (bir Mgs) qayd qilish polosaga ega, demak, u ma’lum uzunlikdagi to’lqinlarnigina qabul qilaoladi. Ya’ni, u kundagi hayotda qo’llaniladigan radiopriyemniklarga o’xshab ketadi va ma’lum chastotalarda ishlaydi. Radioteleskop priemnigi monoxromatik yoki yakka to’lqinni qayd qiluvchi priemnikdir. Priemnikning bu xususiyati u bilan qo’llanilayotgan antenna qanday bo’lishini belgilaydi yoki berilgan antennaga harqanday priemnik ham to’g’ri kelavermaydi. Shuning uchun radioteleskoplar har xil bo’ladi va ma’lum astrofizik masalani echishga mo’ljallanadilar. Priemnikda nurlanishga ishlov berilgandan keyin u qayd qilinadi.

2. Antennaning turlari va asosiy ko’rsatqichlari.
3. a) Dipollardan iborat antenna. Radioto’lqinlarni hosil qilish va efirga tarqatishda umumiy uzunligi to’lqin uzunligining yarmiga teng bo’lgan ikkita metal tayoqchadan foydalanish mumkin (bu tayoqchalar, yarim to’lqin dipol yoki Gers dipoli deb ataladi). Tayoqchalarning biri yuqori chastotali o’zgaruvchan tok hosil qiluvchi generatorning bir qutbiga ikkinchisi esa, ikkinchi qutbiga ulanadi va ochiq fazoga chiqarib bir to’g’ri chiziq yo’nalishida joylashtiriladi (2.12-rasm). Generator ishga tushirilganda antenna tayoqchalari atrofida o’zgaruvchan elektromagnit maydon hosil bo’ladi va bu maydondan barcha tomonga elektromagnit to’lqinlar tarqalaboshlaydi. Radio aloqada bu yuqori chastotali to’lqinlarga past chastotali tovush to’lqinlari yuklanadi (chastota modulyatsiyasi) va iste’molchiga yetkaziladi.