O’rta maxsus kasb hunar ta’limida fizika kursining strukturasi Исполнитель

O’rta maxsus kasb hunar ta’limida fizika kursining strukturasi

1.O’rta maxsus kasb hunar ta’limida fizika kursining maqsadi va vazifalari.

2.O’rta maxsus kasb hunar ta’limida fizika kursining kurslar buyicha taqsimoti.

3.O’rta maxsus kasb hunar ta’limida fizika kursining o’ziga xos xususiyatlar.

Hozirgi o’tish davrida milliy dasturda aytilganidek, ta’lim taraqqiyotining  rivoji maqsadida o’rta maxsus bilim yurtlari (akademik litseylar) va o’rta maxsus kasb-hunar o’quv yurtlari (kollejlar) tashkil etildi. 9 yil davomida maktablarda o’quvchilar umumiy tayanch ma’lumotni olsalar,  o’rta maxsus bilim yurtlarida ular o’zlari tanlagan  ta’lim yo’nalishni bo’yicha bilimlarini oshirish va oliygohlarga kirish uchun aniq maqsadga  yo’naltirilgan fanlardan saboq olish imkoniyatiga ega bo’layaptilar.

Kollejlarda – talabalarga o’zlari tanlagan kasb-hunar yo’nalishlari bo’yicha maxsus bilim beriladi va kasb-hunar o’rgatiladi.

Prezidentimiz ta’kidlaganidek, “Mazkur o’quv yurtlari zamonaviy jihozlanganligi, o’qituvchi-pedagoglar saviyasi, o’qish jarayonining tashkil etilishi va talabalarga kamida 2-3 xil zamonaviy kasb-hunar bera olishi bilan oldingi professional texnika bilim yurtlaridan tubdan farq qilishi kerak”.

SHunday qilib, bu ikki turdagi 3 yillik maxsus ta’lim yo’nalishlarini o’quvchilar o’z istaklaridan kelib chiqib, ixtiyoriy tanlaydilar. SHu tariqa yoshlarning biron-bir shaklda bilimlarini takomillashtirish, muayyan kasb-hunar egasi bo’lib yetishishlari uchun sharoitlar yaratilayapti. O’quvchilarga 12 yillik umumiy va o’rta maxsus ta’lim berish davlat tomonidan kafolatlanadi. Bu yoshlarning bilim olishlari yoki hunar o’rganishlaridan tashqari, ularning bozor iqtisodiyoti sharoitida  ijtimoiy himoya qilinishini ta’minlaydi.

Akademik litsey va kasb-hunar kollejlarida umumiy ta’lim fani sifatida o’qitiladigan fizika kursining maqsadi, fizikadan fundamental bilim berish, fizik hodisalarni va olamning fizik manzarasini ilmiy asosda tushuntirish orqali o’quvchilarning ilmiy dunyoqarashini rivojlantirish, tabiatda va texnikadagi fizik jarayonlarni idrok etish salohiyatini oshirish, olgan bilimlarini ijtimoiy hayotga va xalq  xo’jaligidagi faoliyatlari uchun  tayyorlash, ta’lim olishni davom ettirish uchun zamin yaratishni ta’minlashdan iborat. Hozirgi zamon kasb-hunar kollejlarida, akademik litseylarda ishlovchi o’qituvchi ko’proq izlanishi, ya’ni o’zining tirishqoqligi, noan’anaviy o’qitish usullaridan foydalanishi kerak.

SHuningdek, fizika fanining o’qitishni hozirgi zamon talab darajasiga ko’tarish va  rivojlangan mamlakatlar andozasiga yaqinlashtirish kerakligi kasb-hunar kollejlarida fizika o’qitishning o’ziga xos tomonlari bilan farqlanadi.

Akademik litseylar – o’quvchilarning qiziqishlari va qobiliyatlarini hisobga olgan holda ularning jadal intellektual rivojlanishini, chuqurlashtirilgan, ixtisoslashtirilgan holda o’qitishni ta’minlaydi. Akademik litseylarda o’quvchilar o’zlari tanlagan yo’nalish bo’yicha bilimlarini oshirish va muayyan fanlar asoslarini chuqur, mukammal o’zlashtirish imkoniyatiga ega bo’ladilar.

Insonning tafakkuri, aqliy salohiyati ijtimoiy boylik hisoblanadi. Ular har qanday jamiyatning ijtimoiy-iqtisodiy taraqqiyotini belgilaydigan omillardir. SHunday o’quvchilar borki, ular umumiy o’rta ta’lim jarayonida ma’lum yo’nalish bo’yicha o’zlarining iqtidorlarini, iste’dodlarini namoyon etadilar. Bu boylikdan oqilona foydalanish, uni to’g’ri yo’naltirish katta ahamiyat kasb etadi. Akademik litseylar aynan shu maqsadni amalga oshirishga, tarbiyalashga xizmat qiladi.