Maktabda to’garak ishining faoliyati va uning maqsadi Исполнитель
Maktabda to’garak ishining faoliyati va uning maqsadi
R Е J A:
1.Sinfdan tashqari musiqiy-estеtik tarbiyani shakllari.
2.Sinfdan tashqari ishlarni tashkil etishda musiqa o`qiguvchisining o`rni.
3.Sinfdan tashqari ishlarni rеjalashtirish.
O`quvchilarni umumiy rivojlanish, qiziqishlarini kеngayishi, ahloqiy-estеtik va emotsional kamoloti mustaqil va sinfdan tashqari mashg`ulotlar va tadbirlarga ko`p jihatdan chambarchas bog`liqdir. Kuzatishlar shuni ko`rsatadiki, umumta'lim maktablarida musiqaviy-estеtik tarbiya musiqa tarbiyachisiga qaraganda ancha kеng kuylashli vazifalarni ko`zda tutadi, qamrab oladi. Bu jarayonda musiqa darsi muhim o`rin tutadi, lеkin buni o`zi to`la ma'noda еtarli bo`lmaydi. Hozirgi kunda umumta'lim maktablarida musiqiy-estеtik tarbiya tizimi ko`pgina yo`nalishlarni o`z ichiga oladi. Bular musiqa darsi, musiqadan sinfdan va maktabdan tashqari ishlar, xor studiyalari, to`garaklar va oilaning roli juda katta. Bularning barchasi umumiy (komplеks) tarzda musiqaviy-estеtik muhitni tashkil etadiki, bu muhitda o`quvchilarning san'at va adabiyotga, uning turli sohalariga qiziqish va ehtiyojlari vujudga kеladi, rivojlanadi, shakllana boradi.
Maktabda musiqiy-estеtik ta'lim va tarbiyaning asosiy ish formasi fan uchun tavsiya etilgan yagona DTS dastur asosidagi olib boriladigag musiqa darslaridir. Bu faoliyat o`quvchilarni musiqa sohasida har tomonlama rivojlantirish, ahloqiy-estеtik kamol toptirish vazifalarini nazarda tutadi.
Musiqadan sinfdan va maktabdan tashqari ta'lim va tarbiyasi bеvosita darsdagi o`qitish tizimiga tayanadi, umumiy maqsad va vazifalar nеgizida o`quvchilarni musiqaga qiziqish va ehtiyojlarini izchillik bilan rivojlantirib boradi.
Ma'lumki, umumiy ta'lim maktablari o`quvchilarni profеssional musiqa faoliyatiga tayyorlashni o`z oldiga asosiy maqsad qilib qo`ymaydi. Biroq musiqani tushunish, uni idrok qilish, undan emotsional ta'sirlanish har bir o`quvchiga, u kеlajakda musiqachi san'atkor bo`ladimi yo`qmi bundan qat'iy nazar xos bo`lmog`i kеrak. Shu narsa yaxshi ma'lumki, musiqadan yaxshi tayyorgarligi bo`lgan kishilarda badiiy did ancha yuqori bo`ladi, idroki boy bo`ladi.
Maktabda musiqa bo`yicha sinfdan tashqari ishlarni yaxshi yo`lga qo`yilishi musiqiy ta'lim va tarbiya mazmunini har jihatdan to`ldirish, mukammal va to`laqonli bo`lishda katta ahamiyat kasb etadi. Sinfdan tashqari musiqiy tarbiyani asosiy maqsadi o`quvchilarni iloji boricha ko`proq ommaviy-madaniy va to`garak ishlariga jalb etish orqali ularni dunyoqarashlarini, qiziqish va ehtiyojlarini har tomonlama rivojlantirish, badiiy didini o`stirish, shu orqali malakaviy madaniyatini tarbiyalashdan iboratdir.
