Vitaminlar tabiiy birikmalarning muhim sinfi Vitaminlarning organik kimyo nazariyasi rivojidagi o‘rni Исполнитель

Vitaminlar tabiiy birikmalarning muhim sinfi. Vitaminlarning organik kimyo nazariyasi rivojidagi o‘rni

Reja:

1.Vitaminlar tabiiy birikmalarning muhim sinfi.

2.Vitaminlarning organik kimyo nazariyasi rivojidagi o‘rni. retinol, akseroftol, avitaminoz, gipervitamino, organizm talabi,  

3.Tiamin,  aneyrin,  anevrin,  kokarboksilaza,  riboflavin  niatsin, piridoksin,  askorbin    kislotasi,  tokoferol,  ergosterin 

4.To‘yinmagan  yog’ kislotalar. Ularning tuzilishlari va biologik ahamiyati

O’rganilishi lozim bo’lgan ma’lumotlar: Suvda, yog’da eriydigan vitaminlar. Vitaminlarning funksiyalari

Vitaminlar haqidagi ta’limot - vitaminologiya - hozirgi vaqtda mustaqil fan tarmog‘idir. Vaholanki, bundan 100 yil oldin organizmning normal hayot kechirishi uchun oqsil, uglevod, yog'lar, mineral moddalar va suvning qabul qilinishini yetarli deb hisoblaganlar. Lekin amaliyot va tajribalarning ko‘rsatishicha organizmning normal rivojlanishi va o‘sishi uchun bu moddalarning o‘zi yetarli emas ekan.Ovqat tarkibida qandaydir moddalarning yetishmasligi bilan sodir bo'ladigan kasalliklar epidemik xarakterga ega bo‘lgan. XIX asrda singa kasalligidan letal holatlar 70-80%ga yetgan. Ayni shu vaqtda «Beri-beri» kasalligi Janubiy-Sharqiy Osiyo va Yaponiya davlatlarida keng tarqaldi. Yaponiyaning 30%ga yaqin aholisi shu kasallikka chalingan. Yapon shifokori K.Takaki go‘sht, sut va yangi sabzavotlarda «Beriberi» kasalligining oldini oladigan modda bor, degan xulosaga kelgan. Keyinchalik golland shifokori K.Eykman Yava orolida ishlab, u yerning aholisi asosan tozalangan guruch bilan ovqatlangani, tovuqlarga ham tozalangan guruch berilganda odamlardagi kabi «Beri-beri» kasaliga o‘xshagan turning rivojlanishini ko‘rsatib bergan. K.Eykman tovuqlarni tozalanmagan guruch bilan boqishganda ularning sog‘ayishini kuzatgan.

Bu ma’lumotlar asosida guruch po‘stlog‘ida davolash xususiyatiga ega bo‘lgan noma’lum modda bor degan xulosaga kelgan. Haqiqatdan ham, guruch po'stlog‘idan tayyorlangan ekstrakt «Beri-beri» bilan og‘rigan odamlarga shifo bergan. Bu kuzatuvlar, guruch po‘stlog‘ida odam organizmidagi normal hayotni ta’miniaydigan moddalar borligini isbotlab berdi.

Vitaminlar haqidagi ta’limotning rivojlanishi N.Lunin nomi bilan  ham bog‘liqdir. U ovqat iste’mol qilish fanida yangi yo‘nalishni ochdi. Olim ovqat tarkibida oqsil, uglevod, yog‘, tuz va suvdan tashqari hayot uchun zarur bo‘lgan almashtirib bo’lmaydigan qandaydir noma’lum moddalarning ham bo’lishi kerak, degan xulosaga kelgan. K.Funk birinchi bo'lib kristall holda ajratib olingan «Beri-beri» kasalligi rivojlanishining oldini olgan organik moddani topgan va o‘z tarkibida aminoguruhlarni saqlagani uchun bu noma’lum moddalarni «Vitaminlar» deb atashni taklif etgan (lat.vita - hayot deganidir). Darhaqiqat, vitaminlar ovqat iste’mol qilish fanida qo‘shimcha shart bo'lgan omillaridan, ularning ko'pchiligi o'zining tarkibida aminoguruhini saqlamasa ham «vitaminlar» deb nomlanib biologiya va tibbiyotda mustahkam saqlanib qolgan.

Vitaminlar - iste’mol omillari bo‘lib, juda kam miqdorda  saqlanadilar va organizmdagi biokimyoviy, fiziologik jarayonlarning normal kechishida, butun modda almashinishining boshqarilishida qatnashadilar. Modda almashinuvining buzilishi ko'pincha organizmga vitaminlarning kam qabul qilinishi, ovqat tarkibida bo’lmasligi yoki ularning organizmda hazm bo’lishi buzilishi bilan bog’liqdir. Natijada avitaminoz holati rivojlanadi - ovqatda vitaminning umuman bo’zilmasligi yoki organizmga o‘zlashtirilishining buzilishi sababli kasallik vujudga keladi. Osiyo, Afrika va Janubiy Amerika davlatlarining ayrim hududlarida aholi bir xil o‘simiik tabiatiga ega bo’lgan ovqat mahsulotlarini iste’mol qilganda avitaminoz holatlari uchraydi.

Tibbiy adabiyotlarda organizmga vitaminlarning juda ko‘p qabul qilinganida rivojlanadigan holatlar ham keltirilgan (gipervitaminozlar). Bu kasalliklar gipovitaminozlarga nisbatan kam uchraydi, lekin A, D,K va boshqa gipervitaminozlar bo’lishi mumkin.  Hozirgi vaqtda aniqlanishicha, avitaminozda modda almashinuvining buzilishi va ferment sistemalarining faolligini buzilishi bilan bog’liqdir. Chunki ko'pchilik fermentlar joriy prostetik guruhlari tarkibiga kiradilar. Vitaminlarning fermentlar bilan bog’liqligini birinchi marotaba 1922-yilda akademik N.D.Zelinskiy ko‘rsatib bergan. Uning fikricha vitaminlar modda almashinuvini bevosita boshqarmasdan, bilvosita tarkibiga kiradigan fermentlar orqali boshqaradilar. Bu holat hozirgi kunda o‘z isbotini topgan.