Antibiotiklar xossalari nomlanishi tabiatda tarqalishi tuzilishi Исполнитель

Antibiotiklar, xossalari nomlanishi, tabiatda tarqalishi, tuzilishi

1. Antibiotiklar haqida umumiy tushuncha
2. Antibiotiklarning turlari
3. Kasallik qo‘zg‘atuvchilarga ta’sir qilishga qarab antibiotiklarning guruhlanishi

1.Antibiotiklar (anti ... va yun. bios — hayot) — ba’zi mikroorga-nizmlar (zamburug‘lar, bakteriyalar), hayvon to‘qimalari va ayrim yuksak o‘simliklar hayot faoliyati natijasida hosil bo‘ladigan va turli xil mikro-blarning o‘sishi hamda rivojlanishini to‘xtatadigan organik moddalar. Antibiotiklar terminini Amerika olimi Z.A.Vaksman mikroblarda hosil bo‘lib, boshqa mikroblarga qarshi ta’sir etadigan moddalarga nisbatan taklif etgan. Antibiotiklar kasallantiruvchi (patogen) mikroblardagi moddalar almashinuvini buzib, ularni o‘ldiradi yoki o‘sishini to‘xtatadi. Antibiotiklar  turli mikroblarga turlicha ta’sir etadi. Masalan, bir antibiotik ma’lum bir mikrobga kuchli ta’sir etgani holda, boshqa mikrobga kuchsiz ta’sir qiladi yoki butunlay ta’sir qilmaydi; Antibiotiklarning ko‘pchiligi faqat mikroblarni emas, balki odam, hayvon va o‘simlik organizmini (to‘qima va hujayralarini) ham yemiradi.

Shuning uchun tibbiyot, veterinariya va o‘simlikshunoslikda uning faqat zararli mikroblarni o‘ldiradigan, ammo odam, hayvon va o‘simlik organizmini yemirmaydigan turlarigina ishlatiladi. Birinchi antibiotik preparat (tirotrisin)ni 1939 yilda Dyubo tuproqda yashovchi Bacillus brevis nomli bakteriyadan oldi. 1941 yilda ingliz olimi X. Flori bilan A. Fleming mog‘or zamburug‘i (Penicilium poshit)ning bulon filtratidan penitsillin, G. F. Gauze va M. G. Brajnikova 1942 yilda tuproq bakteriyalaridan gramitsidin, Z. A. Vaksman 1944 yilda Streptomyces griseus nomli zamburug‘dan streptomitsin olishga muyassar bo‘ldi.

Hozirgacha antibiotikning 2000 dan ortiq turi aniqlandi va bu ish davom ettirilmoqda. Amaliyotda faqat 10 — 20 tasi (penitsillin, streptomitsin, oksitetratsiklin, sefaloridin, eritromitsin, levomisetin va boshqalar) qo‘llanilmoqda. A. turli mikroorganizmlarga bir qadar o‘ziga xos ta’sir ko‘rsatadi.

Masalan, penitsillin grammusbat mikroorganizmlarga, streptomitsin esa, aksincha, grammanfiy mikroorganizmlarga kuchliroq ta’sir etadi. Ta’sir doirasi keng antibiotik, masalan, tetratsiklinlar bir qancha bakteriyalarga qarshi ta’sir qiladi. Penitsillinning ta’siri mikrob hujayrasi devorining sintezini tormoz qilishga bog‘liq ekanligi ma’lum. Boshqa bir qator antibiotik mikrob hujayrasida oqsillar va nuklein kislotalar biosintezining maxsus bosqichlariga aralashadi.

Antibiotik stafilo-kokk va streptokokklar paydo qiladigan septik kasalliklar, zotiljam, ich terlama, toshmali terlama, vabo, sil kabi turli yuqumli kasalliklarni davolash va oddini olish uchun kuchli vositadir. Ular ayniqsa nafas yo‘llari, me’da, ichak, siydik yo‘li va jinsiy a’zolar kasalliklarini davolashda yaxshi naf beradi. Ba’zi antibiotiklar  parranda, cho‘chqa va buzoqlar o‘sishini tezlatish, ovqatning o‘zlashtirilishini orttirish maqsadida ularning asosiy ovqatiga qo‘shimcha qilib beriladi. Antibiotik hujayraga tanlab tormozlovchi ta’sir ko‘rsatganidan biokimyoviy jarayonlarning ayrim bosqichlarini, hujayra o‘sishini ta’minlaydigan DNK, RNK, oqsillar va hujayra devori sintezi hamda funksiyasi orasidagi munosabatlarni aniqlashda muhim ahamiyatga ega. Ulardan oziq-ovqat sanoatida (konservalash) ham keng foydalaniladi.Qishloq xo‘jaligida — o‘simliklarni zamburug‘li va bakterial kasalliklardan himoya qilish uchun ishlatiladi (q. Mikrobiologik himoya usuli).

Kasallik qo‘zg‘atuvchilarga ta’sir qilish tarziga qarab antibiotiklar:

-bevosita ta’sir etuvchi antibiotiklar,

- kasallik qo‘zg‘atuvchilar ajratgan toksinlarni neytrallovchi antibiotiklar

-xo‘jayin o‘simlikka ta’sir etuvchi antibiotiklar

-o‘simlik tanasida yuqori faol moddalarga aylanadigan va o‘simliklarning kasalliklarga chidamliligini oshiradigan (bilvosita ta’sirga ega) antibiotiklarga bo‘linadi.

Streptomitsin, terramitsin, digidrostreptomisin, grizeofulvin (grizovin), anizomitsin, omfoterpsin, filitsin va boshqa samarali antibiotiklarga kiradi.

 Trixodermin g‘o‘zaning vertitsillyoz vilti va qishloq xoʻjaligi ekinlarining kasalliklari: himoyalangan tuproqsa bodring , pomidor ildiz chirishi, kartoshka rizoktoniozi, bug‘doy gelmintosporiozi, makkajo‘xori qorakuyasi va boshqa qarshi kurashda ishlatiladi. Trixodermaning Toshkent shtammi asosida trixodermin olish texnologiyasi ishlab chiqilgan. Adan dustlar bilan upalash va ko‘chat materiallari (ko‘chat, qalamcha, tuganak, urug‘)ni eritmalarda ho‘llash bilan foydalaniladi.

Antibiotiklar  o‘simlik tanasiga oson o‘tadi va tarqaladi, kuchsiz (0,1 — 0,01 — 0,001 va undan kam) konsentratsiyalarda ta’sir etadi. Antibiotiklar purkab ishlatilganda barglarga so‘rilishini kuchaytirish maqsadida eritmaga glitserin, sorbiton, dietilenglikol qo‘shiladi.

Makroorganizmlarga ziyon yеtkazmagan holda faqat yuqumli kasallik qo`zg`atuvchilarigagina ta'sir ko`rsata oladigan tibbiy moddalar ximiotеrapеvtik prеparatlar dеyiladi. Prеparatlarning biologik faolligi dеganda ularning mikroorganizmlar rivojlanishi va o`sishini to`xtatish yoki butunlay bartaraf eta olish xususiyati nazarda tutiladi. Shunga ko`ra, moddalarning baktеritsid va baktеriostatik ta'siri o`zaro farqlanadi. Zamburug`larning o`sishiga qarshilik qiladigan prеparatlar esa fungitsid (fungistatik) faollikka ega.