Zamonaviy tadqiqotlarning xususiyatlari Исполнитель
- Скачано: 2
- Размер: 24.44 Kb
Zamonaviy tadqiqotlarning xususiyatlari
- Zamonaviy tadqiqotlarning xususiyatlari
- Fizika va astronomiya sohasidagi tadqiqotlar xarakteri.
- Fizika va astronomiya sohasidagi tadqiqot yo‘nalishlari.
Ma’lumki, fizika fani insoniyat erishgan va erishayotgan ilmiy-texnik taraqqiyotning asosini tashkil qiladi. Qadimdan to XVIII asr oxirigacha bu fan falsafa fani tarkibida o’z rivojlanish yo’lini bosib o’tgan bo’lsa, XIX asr boshidan mustaqil fan sifatida tabiat sir-sinoatlarini ochishga, ular asosida jamiyat taraqqiyotiga, insoniyat turmush tarzini yaxshilashga xizmat qilib kelmokda.
Elektron va radioaktivlik hodisasining kashf qilinishi materiyani o`rganishning yangi erasini boshlab berdi. Bu paytga kelib materiyaning atomlardan tuzilganligi, ya`ni kimyo fanidagi proportsional munosabatlar, gazlar termodinamikasi, kimyoviy elementlarning davriy jadvali yoki Broun harakati kabi bilimlar keng ma`lum edi. Lekin atomlarning mavjudligi umumjamiyat tomonidan hali ta`n olinmagan edi. Buning sababi oddiy edi: hech kim bu atomlarning tuzulishini tasavvur qila olmas edi. Yangi kashfiyotlar shuni ko`rsatdiki, materiyadan paydo bo`ladigan ―zarralar bu atomlarning tashkil etuvchilari deb qaralishi kerak edi.
Hozirda radioaktiv parchalanishdan hosil bo`lgan zarralarni boshqa elementlarni bombardimon qilishda qo`llash imkoniyati mavjud. Bu esa o`sha elementlarning tashkil etuvchilarini o`rganish imkoniyatini beradi. Ushbu eksperimental imkoniyat zamonaviy yadro va zarralar fizikasining asosini tashkil qiladi. Yadrolarni sistematik o`rganish imkoniyati so`nggi 30 yillar ichida zamonaviy zarralar tezlatkichlari imkoniyatlari sababli yuzaga keldi. Lekin atomlarning asosiy qurilish bloklari – elektron, proton va neytron bundan oldin qayd qilingan edi.
Sochilish eksperimentlari yadro va zarralar fizikasining eng muhim quroli hisoblanadi. Ular turli zarralar orasidagi o`zaro ta`sir xususiyatlarini o`rganishda va atom yadrolari ichki tuzilishi, ularning tashkil etuvchilari to`g’risida ma`lumot olishda keng qo`llaniladi.
