O`q organlar va daslabki organlar Исполнитель

O`q organlar va daslabki organlar

1. Provizor organlarning hosil bo‘lishi
2. Embriogenezda hujayraning differensirlanishi va qaltis davrlar
3. Organizmning o‘sishi, rivojlanishi va qarish

Provizor organlarning hosil bo‘lishi. Xordali hayvonlar tuzilishining murakkablashishi bilan homila rivojlanishini ta’minlovchi provizor (muvaqqat) organlar hosil bo‘ladi. Ular definitiv a’zolardan farqli ravishda homila mustaqil hayot kechirguncha yoki tug‘ilguncha bo‘lib, so‘ngra yo‘qolib ketadi.

Provizor organlarga quyidagilar kiradi: 1) sariqlik xaltasi; 2) amnion; 3) seroz parda; 4) allantios; 5) xorion; 6) yo‘ldosh; 7) kindik kanalchasi;

Provizor organlar baliqlarda dastlab sariqlik xaltasi ko‘rinishida hosil bo‘la boshlaydi. Ma’lumki, gastrulyatsiyaning ilk bosqichlaridayoq pusht va sariqlik entodermasi hosil bo‘ladi. Sariqlik entodermasining erkin qirg‘oqlari o‘sib sariqlikni o‘rab oladi. Xordo-mezodermal kurtak hosil bo‘lgach, ekto- va entoderma oralig‘iga mezodermaning parietal va visseral varag‘i ham o‘sib kiradi. Shunday qilib, sariqlik qopining devori ektodermadan, mezodermaning parietal hamda visseral varag‘idan va entodermadan tashkil topgan. Rivojlanish davo­mida xrmila sariqlikdan ko‘tariladi va faqat tana burmasi orqali sariqlik xaltasi bilan bog‘lanadi. Sariqlik xalta bo‘shlig‘ining oziq moddasi sariqlik bilan to‘lgap bo‘lib, u sariqlik poyachasi orqali homila ichagiga tushadi.