Deyl Karnegi O'ziga nisbatan dadidillik va ishonchni shakillantirish haqida Исполнитель

U o'z zamonasi ruhshunoslarining ilmiy tajribalarini amaliy jihatdan o'rganib, jamiyatdagi o'zaro munosabatlar nazariyasini yaratgan, ixtilofsiz va muvaffaqiyatli muomala san'atini ishlab chiqqan edi. Oddiy oiladan chiqqan bu inson, yillar o'tib, shu qadar mashhurlikka erishdiki, uning nomi ostida maxsus ilmgohlar tashkil topdi. Kitoblari hozirgi kungacha ommabop sanaladigan ushbu pedagog va yozuvchini Deyl Karnegi deb atashardi. Karnegi ta'limoti bo'yicha, hayotda yomon odamlar yo'q, balki ko'ngilsiz vaziyatlar mavjud bo'lib, unga qarshi kurashish kerak. Buning uchun esa aslo siqilmaslik, kayfiyatni buzmaslik lozim. Karnegi tinglovchilarni hamisha tabassum qilish, suhbatdoshni diqqat bilan tinglash, unda qiziqish uyg'otish va shu kabi juda ko'plab saboqlar berish orqali hayotda muvaffaqiyat qozonishga o'rgatgan edi. U samimiyat, dilkashlik, boshqalarni ranjitmaslik lozimligini, aksincha insonlar qalbini zabt etish kerakligini uqtirdi. Karnegining eng muhim tamoyili – tabassum qilish! Ushbu tamoyil tufayli u butun dunyoda dovruq qozondi.